2012-09-09 13:41:40Cc
===Only with one (2012/9/9)===
記得這條小金鍊係小時候爸爸送給我的
十多年前既某一天, 回到家鄉, 跟他食飯
就同爸爸講: 爸, 我想要條純銀的頸鍊!
爸過2日之後, 就送左一條我一直心想的銀鍊,
但一打開, 我很失望的說, 人家要銀鍊, 你做咩買金鍊丫
(雖然當時覺得金鍊個款式都幾靚, 但總覺得金鍊係老一輩的飾物)
老爸就粗粗地咁話: 你識咩丫, 金鍊仲貴丫! 我叫人幫我揀架, 你要就要啦!唔要亦唔會有第2條!
我當然就扁晒嘴收好佢
反到澳門, 一直好好保存, 當中番學都有曾經帶過, 但不到2日我又換了其他
可能當時小女孩的我始終未懂欣賞..........
早十年前, 認識了他,
他教懂了我很多很多, 亦令我改變了很多
他令我更加明白做自己就好了, 何需要為討好一些不重視自己的人而去改變自己
一些喜歡你的人就是因為喜歡你才與你成為朋友, 所以是不需要勉強的
點點滴滴令我明白我不應太執著當初笑我帶金鍊的人,
只是大家擁有的是不一樣, 它亦有它美麗出眾既地方
這兩年工作時間裡, 它成為了我的手鍊
帶著帶著, 就未曾除下它
其實有時我相信爸爸係唔會記起曾經他有送我這鍊子的....
我想就當這是爸爸花心思送給我最後的小禮物
今天一早起身, 左手鬆了一下, 扣子爛了
它就這樣從我手中鬆了下來,
十多年前不懂珍惜, 十多年後才繼續愛惜
它真的很美, 一點也沒有被時間所影響而脫色...
對小女孩來說, 爸爸是她唯一,
可惜對爸爸來說, 女孩卻只是其中之一..............