【分訴馬英九 ê 「戇」佮「邪惡」．辨明馬英九的「笨」和「邪惡」】

（台語）

昨昏蘋果日報一篇社論講馬英九「戇閣邪惡」。看伊佇「面冊」頂懸濟濟推捒[thui-sak]，敢若閣袂少儂贊成。我 ê 淺見，即个「戇閣邪惡」 ê 議論，著愛就歷史 ê 根基來查驗[tsa-giām]；如此會當看出，馬英九 ê 「戇」佮「邪惡」，事實是一體，無各樣。

就台灣主體性 ê 中心思想來講，馬英九始終「中國主體較懸台灣主體」 ê 作為，比做「邪惡」，拄拄仔好。總是，一个邪惡者敢會「戇」？魔鬼若戇，怎樣達成伊邪惡 ê 目的？馬英九 ê 「戇」，表現佇伊揀選幕僚[bōo-liâu]、政務官 ê 時，彼款狹𤲍[ue̍h-khueh]ê 腹腸；嘛表現佇伊面對人民 ê 時，會講「荏懶[lám-nuā]才無愛運動」、「共恁當做儂看」遮--爾侮辱[bú-jio̍k] ê話，彼款資產階級--ê 、殖民者--ê 傲慢。 

狹𤲍、傲慢，佗位來--ê ？

咱愛想，馬英九佗位來--ê 。馬英九 ê 背景，全然是中國國民黨佇台灣戒嚴、反民主 ê 體制。彼个不義 ê 政權，是藉著武力佮結連資產階級佮怹 ê 意識型態控制台灣；彼个政權，嘛是從來掠中國較懸台灣 ê 殖民政權。馬英九 ê 政治根基，正正是彼个政權反民主、資產階級代先、殖民 ê 特性。

舉一个例，馬英九早前是反對全民參政權普及（反民主），如今煞割稻仔尾做總統；做總統了後，用體現台灣主體 ê 總統大位，做種種用中國主體壓制台灣主體 ê 政策選擇（殖民）。煞了閣用總統 ê 懸度摻 hām 資產階級做伙 ê 意識型態來面對政策錯誤引起 ê 不滿。即个例說明：掠馬英九做戇，著！掠馬英九做邪惡，嘛著！總是，咱毋通袂記--得，彼个戇、彼个邪惡，攏出佇一个藉著經濟階級 ê 控制來維持怹 「中國較懸台灣」信仰[sìn-gióng]ê 殖民政權佮體制。

伊會「戇」，是因為包容佮體諒去予殖民價值觀 ê 邪惡捏--死[tēnn--sí]；伊會邪惡，因為濟濟台灣儂掠做伊干焦是「戇」，家己吞落--去，放伊佇遐舞統一。

長期無咧記念歷史 ê 後果，就是家己枵[iau]腹肚，皮繃絚絚[penn-ân-ân]，予「戇」佮「邪惡」做總統，第二擺。

（北京語）

昨天蘋果日報有一篇批判馬英九「笨又邪惡」的社論。在臉書上頻繁地被轉載、「按讚」，彷彿有不少人深有同感。淺見以為，此一「笨又邪惡」的批判，需要以歷史作為基礎檢驗；這樣，才能夠看出馬英九的「笨」和「邪惡」實為一體，並無二致。 

以台灣主體性作為中心思想，評論馬英九始終「以中國主體凌駕台灣主體」的作法為「邪惡」，堪稱適切。但是，一個邪惡的人會「笨」嗎？要是魔鬼很笨，又怎麼達成其邪惡的目標呢？馬英九的「笨」，一表現在他選擇幕僚、政務官時所展現，狹隘的氣量；二表現在他面對人民時，竟會說出「不運動就是懶」、「把你們當人看」此等侮辱性言詞所展現，資產階級式的、殖民者的傲慢。

狹隘、傲慢，從何而來呢？ 

應該要想的是，馬英九從何而來。馬英九此人的背景，完全出自於中國國民黨在台灣實施戒嚴、反民主的體制。那個不義的政權，是藉由武力，以及連結資產階級和其意識形態以控制台灣；那個政權，也是一向以中國凌駕台灣的殖民政權。馬英九的政治養成，完完全全是那個政權反民主、資產階級優先、殖民的性格。

舉例而言，馬英九先是堅決反對全民參政權的普及（反民主），現在卻坐享民主成果當選總統，當選之後，卻是以體現台灣主體的總統大位，遂行各種以中國主體壓制台灣主體的政治舉措（殖民）。最後又以總統的高度參雜他和資產階級比肩的意識形態面對政策錯誤所引發的民怨。這個例子說明了︰說馬英九愚蠢是對的，要說馬英九邪惡也對！但是，千萬不能忘記，那種「笨」、那種「邪惡」，都來自於一個操控經濟階級的宰制性，以維持他們「中國凌駕台灣」政治信仰的殖民政權和體制。 

馬英九「笨」，那是因為包容和體諒在殖民者邪惡的價值觀下早已蕩然無存；馬英九所以能「邪惡」，那是因為許多台灣人以為他「只是笨」，放任他一步步遂行他的「化獨漸統」。 

長期遺忘並且漠視歷史的後果，就是自己餓着肚子，肚皮繃得緊緊的，讓「笨」和「邪惡」當選總統，第二次。