女人--天生既說話機器

7月1日   晴

前幾日日日落不停既雨,終於落完啦

換黎既係驚哂唔死既太陽..hehe....不過我鐘意

之前見兩個小學同學(黎飛同黃淑君)係 facebook度話佢地考完試終於得閒啦

尋晚終於就到時間出黎見面食飯

嘩,我地6點半係德興坐到11點

由無人坐到坐滿人,坐滿人坐到無哂人,我地依然依度講

三個女人一見面就不停咁講不停咁講...野就食得少

完全無d好耐無見要warm up 下既感覺

就好似d玩具,一禁左"on"就bebibala......直到無電為止...kakaka

話題都離不開工作,家庭, 講下某人是非...哈哈哈...女人莫過於此......

因為屋企比較近學校,好多小學同學都黎過我屋企

好記得我媽咪, 黎飛話好記得媽咪帶過我同佢去鮮果人...是嗎?我忘了

佢又話放學落雨就會黎我屋企玩....是嗎?我忘了

哈哈,間中想當年都幾開心呀

其實我最記得就係有個唔受喜歡既女同學都有黎過我屋企玩,原因係咩呢,我都唔記得啦

小學有好多野都唔記得啦,不過人我就一定認得

黎飛有4兄弟姐妹,佢細佬低我地一屇,所以小學成日見到佢

提到佢,黎飛竟然用:佢依加高左好多,成個"佬"咁

感覺好得意,佢大個左,高左好正常呀...不過係我個腦仲剩係記得佢豆釘時既樣

人地已經做人爸爸啦.......一轉眼就十幾年啦!!!好可怕呀

黎飛本身係一個對每樣野都好熱誠既人,依加係社工,份工非常岩佢

我覺得我地三個都無變過......三歲定八十

黃淑君係小學同學之中聯繫得最密既一個

尋日對住佢,就覺得佢係6號人

死啦...我係唔係中左9 型人格毒呢

我地仲決定要搵多幾個同學出黎再聚過

決定打破4小時長談紀錄