好一個七

相信呢幾年都有留意我blog嘅同學會發現，
有幾個日子我肯定會寫嘢。

1月1日
5月18日
8月28日
11月22日

如果冇記錯，我應該一定會係呢幾日寫嘢，
可以講係每個季度嘅皇牌～～
不過其實今日呢篇blog，變佐例牌，
因爲我冇咩想講……

今年係孖女成軍第七年，唸落時間過得又幾快，
我都由憨居居升級去到傻更更，再到而傢嘅白癡癡。
有咩分別？
憨居居就係大腦未發育嘅階段，咩都唔唸後果就去做；
傻更更就係大腦發育緊嘅階段，中意不斷嘗試不斷逛低；
白癡癡就係大腦基本發育完嘅階段，不得了呀，
有自己嘅唸法，於是就開始好似個白癡咁死都要堅持己見啦！

點都好啦……希望孖女會有更多嘅七年，七年又七年。

今日有人同我講：我覺得你真係好忙喔！
即係我想講，我都覺得我好忙，但係我根本唔知忙咩～～
打雜呱，幫學院打雜，反正咁樣樣，呢個學期又準備到尾聲，
咦咦？咁我未就離大二？做人師姐？

以前十三四嵗好中意儲碟儲海報同埋其他周邊產品。
所以每個人離我間房參觀完之後都會表現出不一嘅驚訝度，
我呢，曾幾何時都覺得自己好厲害～～
終于我20嵗啦，仲係會習慣性地買碟撐孖女，
但已經唔會好似以前咁盲目啦，應該係冇時間盲目！

因爲孖女上過不下三次電視，真係多得佢兩個唔少，
好多嘢，少佐佢哋又真係少好多架……
今年2008，發生好A多事，一次又一次咁挑戰中國人嘅忍耐力，
蔡小姐好有錢，一條友捐佐30万，
我哋成個廣州fans club加埋先得3萬幾，失禮曬～～
不過我知道，心意會收到架啦！

好啦，係呢個可愛嘅518 night，我要繼續做嘢啦。