9-10-08 一樣的痛

今朝返七點 還好啦~

尋晚都係吹到四點到

唔願起都起到身...

攰囉 佢都有晨早打嚟

都好開心 一早可以聽到佢把聲...

之後佢話瞓 等我收工佢過嚟

好期待 好開心ga

成日就係等收工佢過嚟揾我嗰一刻

點知 食飯打俾佢話冇話過過嚟

我都唔知嬲好定失望好~

好唔開心...之後佢都算有氹返我嘅

算係啩~咁就收工買嘢去俾佢食

佢睇緊卡通 諗住攰都陪佢睇

等佢肯瞓先走 但係佢又係唔出聲

開頭我去到唔出聲佢都有問我做乜

其實係仲因為佢電話入面嘅態度啫

只要佢同我講返兩句嘢就冇事

但係佢一直都唔講嘢 冇表情

總之好有嘢咁嘅樣啦 咩都唔肯講

我已經唔止無能為力 係無話可說啦~

咁佢到五點幾肯瞓 我咪走囉...

而佢最後唯一要同我講嘅係問佢愛人嘅嘢

愛人話返舖頭煮嘢食~佢話好唔開心

應該係因為佢從來都冇為佢下過廚

而聽到自己嘅愛人為新歡咁做

一定好唔開心啦...但係 佢似乎從來都冇察覺到

一直企喺佢身邊嘅我有幾攰

聽到佢咁講又有幾唔開心

見到佢咁嘅樣又有幾心痛

佢已經完完全全將我重視佢

關心佢 愛佢 為佢做嘅全部

放晒喺第個人身上

我一開始就知道 我係絕對唔可以介意

佢愛人對佢嘅傷害 無視 同冷淡

好諷刺 亦都完完全全咁喺我身上體現到...

即使佢send信息同我講sorry

搞到我咁唔開心 我亦只可以話

一切都只係我自己攞嚟~

同佢頭先講嘅一樣...

我俾人嘈醒咗兩次

佢愛人同以前一個舊同事

十一點到醒咗 send信息俾佢冇覆

其實我知佢瞓緊 打吓機囉 唔係點呀

個幾鐘之後 我終於忍唔住打俾佢

即使我唔出去都好 好想聽到佢把聲啫...

唉~~~佢...好攰咁 真係有啲唔好意思

不過算啦 佢都應該瞓返啦...

點知五分鐘都冇 佢又SMS話瞓唔到...

唔通真係我嘅錯?!= =||...